之前成日講D人唔需要睇醫生但係死R都要Book個位睇。但係有好多人非常之需要睇醫生，但係就覺得自己唔使睇。到佢終於大駕光臨嘅時候，通常都係嚇死我。
話說有個人養左好多大狗，已經成日慣咗比狗咬。今鋪咬得勁啲，所以要黎睇醫生。佢本身淨係想洗傷口。佢拆開塊膠布，隊隻手指俾我睇我第一樣野諗到嘅，就係隻手指似用微波爐叮得太耐嘅腸仔，層「衣」爆開咗，入面啲腸仔肉凸咗出嚟。
咁點樣淨係洗傷口啊？唔該拿拿聯針啦！最搞笑係同佢講要聯針，佢用啲好鄙視同埋好晦氣嘅語氣話：「唔洗聯啦，我成日都比狗咬架啦！」
⋯⋯
淨係洗傷口黐膠布個傷口好難好番㗎喎。跟住佢就方向口方向面我，嫌我多事。OK，你咁大個人，後果自負。咁你唔信我嘅判斷/唔要我嘅Treatment，我都冇計。對唔住，我唔記得咗我淨係收order做事。我係唔可以有Professional判斷能力嘅。
🐶🐶🐶🐶🐶
Search